تخار ولایت کې د پنج آمو سیند د څنډو د تحکیماتو د پنځم لاټ(برخې) پروژې چارې ۲۷ سلنه بشپړې شوې دي
د تخار ولایت د ینګي قلعې ولسوالي په یتیم تپه کلي کې د پنج آمو سیند د څنډو د تحکیماتو د پنځم لاټ(برخې) پروژې چارې ۲۷ سلنه بشپړې شوې دي.
نوموړې پروژه د اوبو او انرژي وزارت له لوري یو داخلي شرکت ته د څلور څلوېښت میلیونه، اته سوه او درې اتیا زره، نه سوه نوي (۴۴،۸۸۳،۹۹۰) افغانیو په ارزښت په قرارداد ورکړل شوی، چې د چارو په بشپړېدو سره به یې ګڼ شمېر د استوګني کورونه او بڼونه د پنج آمو سیند له ویجاړیو څخه خوندي شي او همدارنګه به سلګونه جریبه ځمکه د کرهنې لپاره چمتو شي.
