لوګر ولایت کې د التمور سیمې اوسیدونکو ترمنځ د اوبو شخړه هواره شوه
د لوګر سیندیزې فرعي حوزې تخنیکي ټیم د یاد ولایت مرکز اړوند د التمور سیمې د خلکو تر منځ د اوبو شخړه هواره کړه، د یادې سیمې د کانال د اوبو ګټه اخیستونکو ټولنه یې جوړه کړه او د اوبو ګټه اخیستونکو ټولنې غړو ته یې د اوبو بې ځایه مصرف د مخنیوي، د کانال د حریم د ساتنې او د اوبو د عادلانه وېش په هکله اړینې سپارښتنې وکړې او د یاد کانال کرنیز معلومات او د اوبو ارقام یې هم راټول کړل.
همدارنګه، د اوبو او انرژي د سپما په هکله هم د لوګر ولایت مرکز اړوند په ځینو سیمو، ديني مدرسو او مسجدونو کې اسټيکرونه نصب شول.
