د اوبو او انرژي وزارت د رهبري غونډه ددغه وزارت اړوندو فعالیتونو د چارو د ښه والي او انسجام په هکله ترسره شوه
دغه غونډه د اوبو او انرژي سرپرست وزیر محترم الحاج ملا عبداللطیف منصور تر رهبرې لاندې د انرژي معین محترم مولوي حمدالله زاهد، د اوبو معین محترم مجیب الرحمن عمر آخندزاده او د دغه وزارت د عمومي رئیسانو په شتون کې ترسره شوه.
د غونډې په ترڅ کې د بېلابېلو اداري موضوعاتو په هکله بحث او د اندونو تبادله وشوه او د غونډې غړو د هرې موضوع په هکله خپل معلومات او اندونه وړاندې کړل.
په غونډه کې د وړاندې شوو موضوعاتو په هکله د معلوماتو او اندونو تر ارزولو وروسته د چارو د انسجام او لاغوره ترسره کولو په موخه اړینې پریکړې وشوې او اړوندو مسئولینو ته د وزارت د رهبري مقام له لوري اړینې سپارښتنې او لارښوونې وشوې.
