د اسلام په سپيڅلي دین کې د حلال کسب د ارزښت په هکله د دعوت او ارشاد ریاست اصلاحي او روزنیز سمینار ترسره شو
په دغه سمینار کې چې د اوبو او انرژي وزارت ټولو کارمندانو ګډون درلود، د دغه وزارت د دعوت او ارشاد رئیس محترم مولوي ګل رحمن عارف د اسلام په سپیڅلي دین کې د کسب و کار او حلالي روزي د ترلاسه کولو په هکله خبرې وکړې.
د اوبو او انرژي وزارت د دعوت او ارشاد رئيس په دغه سمینار کې وویل چې د اسلام په سپیڅلي دین کې د حلال کسب و کار ترسره کول ځانګړی ارزښت او ځای لري او په اسلامي متونو کې د دغې چارې په ترسره کولو کې ډير ټینګار او سپارښتنې شوې دي.
ښاغلي مولوي عارف ټول کارمندان د شرعي کسب و کار له لارې د حلالي روزي ترلاسه کولو ته وهڅول او له هغوی څخه یې وغوښتل چې په دې برخه کې د اسلام د سپیڅلي دین له لارښوونو څخه ګټه پورته کړي، ترڅو په دنیا او آخرت کې نېکمرغه شي.
