د ارزګان ولایت د سر آب بند دفتري مطالعات بشپړ او د یوې ناستې په ترڅ کې په یوه پرزنټیشن کې وړاندې شوه
دغه ناسته د اوبو تاسیساتو د انجنیري چوپړتیاوو د عمومي رئيس محترم انجنیر عبدالغفور عمري تر مشري لاندې د سروې او ډیزاین رئيس محترم انجنیر حبیب الرحمن مبارز او یو شمېر نورو تخنیکي مسؤلینو په شتون کې ترسره شوه.
په دغه ناسته کې د یوه پرزنټیشن په ترڅ کې د نوموړي بند د دفتري مطالعاتو د وړاندې کولو ترڅنګ د نوموړې پروژې د نورو پړاوونو د ترسره کولو په هکله بحث او د اندونو تبادله وشوه او پرېکړه وشوه، چې د سروې او ډیزاین ریاست متخصصین دې د نوموړي بند د مطالعاتو او بسنټیزې سروې د ترسره کولو لپاره ارزګان ولایت ته ولېږل شي.
