پکتیکا ولایت کې د زیړې چکډم پروژه د څه باندې درې میلیونه افغانیو په ارزښت بشپړه او ګټې اخیستنې ته وسپارل شوه
د پکتیکا ولایت په خیر کوټ ولسوالي کې د زیړې چکډم پروژه د درې میلیونه، دوه سوه، نوې زره او یو سلو نهه شپېته اعشاریه دوه (3290169,2) افغانیو په ارزښت د ګوملې سیندیزې فرعي حوزې او یو شمېر نورو سیمه ییزو مسؤلینو په شتون کې ګټې اخیستنې ته وسپارل شوه.
د نوموړي چکډم په جوړېدو سره ۸۳۸۰ متره مکعب اوبه ذخیره او د اوبو په برخه کې به د سیمې د اوسیدونکو ستونزې هوارې او د کاریزونو او چینو اوبه به تغذیه او پياوړي شي.
نوموړې پروژه د اوبو او انرژي وزارت له لوري د یوه کورني شرکت سره قرارداد شوی وو او د څلورو میاشتو په موده کې یې چارې بشپړې او ګټې اخیستنې ته وسپارل شوه.
