د پروان ولایت په ولسواليو کې د ۱۴ ميليونو افغانیو په ارزښت د یوۀ استنادي دېوال د رغونې چارې پیل شوې
انجنير مجيب الرحمن حبیبي، د غوربند چاريکار سینديزې فرعي حوزې رئیس د پروان ولایت مرستيال په شتون کې، د ۱۴ ميليونو افغانيو په ارزښت د اېف، اې، او مؤسسې له لوري د بګرام او جبلالسراج په ولسواليو کې د ۱۴ سوه مترو په اوږدوالي د يو استنادي دېوال د رغونې پروژه پرانيستله.
د يادې سينديزې فرعي حوزې رئیس د نوموړي استنادي دېوال جوړېدو په پرانيست غونډه کې ډاډ ورکړ چې د دغې پروژې په بشپړېدو سره به د سېلابونو د خطرونو څخه مخنيوی وشي او همدارنګه زياته يې کړه چې د دغۀ استنادي دېوال د جوړېدو پروژې به د راتلونکي څلورو مياشتو په موده کې بشپړې؛ او ګټې اخيستنې ته به وسپارل شي.
