د انرژي د سپما او اغېزمنتیا په اړه د چاپیریال ساتنې ملي اداره کې د اوبو او انرژي وزارت له لوري د عامه پوهاوي برنامه وړاندې شوه
پهٔ دغهٔ برنامه کې د انرژي د سپما د مناسبو لارو، چارو په هکله د چاپیریال ساتنې ملي ادارې له کارمندانو سره اړین معلومات شریک شول.
همدارنګه د برنامې په دوام کې د اوبو او انرژي وزارت د پایدارې انرژي د عمومي ریاست تر چتر لاندې د انرژي د مثمریت او تحفظ ریاست کارمندانو هر یو انجنیر احمد ضیا فیروز د انرژي ساتنې آمر او انجنیر عبدالله موسی زي د انرژي د تحفظ متخصص، د پرزینټېشن په وړاندې کولو سره په مفصله توګه د انرژي مدیریت، د انرژي د سرچینو ساتنې، چاپیریال ساتنې، د انرژي د سپما ارزښت او د سپما تګ لارې اړوند معلومات ګډونوالو ته ورکړل او د یادې برنامې د وړاندې کولو موخه یې له انرژي څخه په سمه توګه ګټه اخیستنه او عامه پوهاوی وباله.
د یادونې وړ ده، چې د انرژي سپما د عامه پوهاوي برنامې د اقتصادي کمیسیون 20/9/1445 نېټې 13 ګڼې مصوبې دویم بند د تحقق په موخه د پلان مطابق د اوبو او انرژي وزارت لخوا مخکې له دې په څو وزارتونو کې ترسره شوې او په راتلونکي کې به هم دوام مومي.
