د یوه چینایي شرکت مسؤلینو د انرژي له معین سره په لیدنه کې په افغانستان کې د انرژي په پروژو کې پانګونې ته لېوالتیا څرګنده کړه
د اوبو او انرژي وزارت د انرژي معین محترم الحاج ملا عبدالهادي یعقوب د خپل کار په دفتر کې د «هوچین انټیلیجنټ پاور» چینایي شرکت له مسؤلینو سره وکتل.
په دغه لیدنه کې، د نوموړي شرکت مسؤلینو وویل، لېواله دي چې په افغانستان کې د برېښنا انرژي د تولید، وېش او شبکو د پراختیا په پروژو کې پانګونه وکړي.
د اوبو او انرژي وزارت د انرژي معین د نوموړي شرکت مسؤلینو ته ډاډ وکړ، چې د اوبو او انرژي وزارت رهبري د انرژي په پروژو کې د نوموړي شرکت د پانګونې هر کلی کوي او په دې برخه کې به له هغوی سره همکار و اوسي.
