کندهار ولایت کې د یوه کاریز د کېندلو او د یوه کانال او استنادي دېوال جوړولو پروژه د نږدې ۶میلیونه افغانیو په لګښټ پیل شوې
د کندهار ولایت د ارغنداب ولسوالي په بابرو کلي کې د ۱۲۰ متره په اوږدوالي سره د یوه کاریز د کېندلو او د ۱۳۰ متره په اوږدوالي د استنادي دېوال او د ۴۲۵ متره په اوږدوالي د کانکریټي کانال جوړولو پروژه د ۵ میلیونه، ۹۳۷زره او ۸۴۷ افغانیو په لګښت پیل شوې.
د دغې پروژې چارې به د ۳ میاشتو په موده کې بشړې او د چارو په بشپړېدو سره به یې د سیلابونو د ویجاړیو د مخنیوی ترڅنګ د اوبو ضایعات کم او د نوموړي کلي د اوسېدونکو ستونزې هوارې شي.
د نوموړې پروژې چارې د ملګرو ملتونو د پراختیایي دفتر په مالي لګښت د کندهار د اوبو او انرژي ریاست تر څارنې لاندې پرمخ وړل کېږي، چي پکې ګڼو کسانو ته د کار زمینه چمتو شوې ده.
