د خوست ولايت د ګربزو ولسوالي اړوند د يوه کانال اساسي جوړونې په هکله د همغږي ناسته ترسره شوه
د خوست ولایت د اوبو او انرژي رئيس مولوي عبدالقيوم ثابت د اېف، اې، او مؤسسې له مسؤولينو سره د ګربزو ولسوالي اړوند د کوټۍ په سيمه کې د يوه کانال د اساسي جوړولو په هکله بحث او د اندونو تبادله وکړه.
ښاغلي ثابت د نوموړې مؤسسې هڅې وستايلې او د يادې پروژې په تړاو يې هغوی ته د پوره همکاري ډاډ ورکړ.
همدارنګه مولوي عبدلقيوم ثابت د خوست ولايت د تڼيو ولسوالي له يو شمېر مشرانو سره هم وکتل.
په دغې ليدنه کې د تڼيو ولسوالي مشرانو په دغې سيمه کې د پروژو د غوره پرمخ وړلو په هکله خپل نظرونه د خوست ولايت د اوبو او انرژي له رئيس سره شريک کړل او څرګنده یې کړه، چې اسلامي امارت تل د ولسونو ستونزې په وخت سره حل کوي او په هره برخه کې پرمختګ رامنځته شوی دی.
