پکتیکا ولایت کې د څلورو پروژو چارې د نږدې ۱۶ میلیونه افغانیو په لګښت بشپړې او ګټې اخیستنې ته وسپارل شوې
د پکتیکا ولایت د جانيخېلو او اومنې ولسوالیو او مرکز ښرنه کې د خنجکي کلي چکډم، د اتهخونې حوض او کانال او د شاتوري کاریز کانال چارې د ۱۵ میلیونه، ۹۲۴ زره او ۴۳۵ افغانیو په لګښت بشپړې او ګټې اخیستنې ته وسپارل شوې.
د خنجکي چکډم د ۷۶ متره په اوږدوالي او ۴ متره لوړوالي سره جوړ شوی، چې د ۲۲۶۹۰ متره مکعب اوبو د زېرمه کولو وړتیا لري او چارې یې د اوبو او انرژي وزارت په مالي لګښت د پکتیکا د اوبو او انرژي ریاست تر څارنې لاندې پرمخ وړل کېدي.
همدارنګه د اتهخونې حوض او کانال او د شاتوري کاریز پروژو چارې د یو، این، ډي، پي موسسې په مالي لګښت د پکتیکا د اوبو او انرژي ریاست تر څارنې لاندې پرمخ وړل کېدي.
