د اوبو او انرژي سرپرست وزیر د ایم سي سي چینائي شرکت لۀ مسئولینو سره وکتل.
د اوبو او انرژي سرپرست وزیر محترم الحاج ملا عبداللطیف منصور چين هیواد ته د خپل روان سفر په بهیر کې د اېم سي سي چينائي شرکت له مسئولینو سره وکتل او د علاقې وړ موضوعاتو باندې یې خبرې او د نظرونو تبادله وکړه.
د یاد شرکت مسئولینو د مس عینک پروژه کې د اوبو او برېښنا ستونزې له ښاغلي وزیر صاحب سره شریکې کړې. محترم منصور صاحب د دوی د ستونزو د حل په هکله هغوی ته ډاډ ورکړ او زیاته یې کړه ، څرنګه چې یاده پروژه یوه مهمه ملي پروژه ده او د ټول افغان ملت ډېرې هیلې ورپورې تړلې دي، تاسو باید د دغې پروژې چارې ګړندۍ کړئ او مونږ به د خپل مسئولیت په چوکاټ کې ستاسو ستونزو ته رسیدګي وکړو.
