د پورتني هریرود- غور په سیندیزه حوزه کې په هرات ولایت کې د زلزلې د شهیدانو لپاره د قرآنکریم د ختم، فاتحې او دعا مراسم ترسره شول
دغه مراسم د پورتني هریرود غور سیندیزې حوزې د رئيس محترم ملا رحمت الله اماني تر ریاست لاندې د دغه ریاست د ټولو کارمندانو په ګډون په هرات ولایت کې د زلزلې د شهیدانو لپاره د قرآن کریم د ختم، فاتحې او دعا په موخه ترسره شوه.
د دغې ناستې ګډونوالو، د خدای(ج) له دربار څخه یې د شهیدانو روح ته د بخښنې او رحمت غوښتنه وکړه او همدارنګه د دغې پېښې ټپیانو ته یې د عاجلې او کاملې روغتیا غوښتنه وکړه.
همدغه راز، د غور ولایت د بیړنۍ کمېټې د پرېکړې پر بنسټ، د دغې حوزې کارمندانو هم یو مقدار نغدي پیسې را ټولې کړې او زلزله ځپلو ته یې د رسولو په موخه د دغه ولایت ولایتي کمېټې ته یې وسپارلې.
