کونړ ولایت د فرعي سیندیزې حوزې ریاست کې د انرژي سروې او ارزونه ترسره شوه.
د اوبو او انرژي وزارت د انرژي معینیت د پایدارې انرژي عمومی ریاست تر چتر لاندې د انرژي د مثمریت او تحفظ ریاست تخنیکي ټیم، د کونړ د فرعي سیندیزې حوزې ریاست کې د انرژي د مثمریت او تحفظ د امکانسنجۍ مطالعاتو او د بام پر سر د لمریزې برېښنا سیستم د نصب امکان ارزونې په موخه سروې او تخنیکي ارزونه ترسره کړه
په دغه سروې کې د انرژي د ساتنې آمر انجنیر عبدالله موسی زی، انجنیر شیر زمان کریمي، انجنیر عبدالله حسیني او اسماالله مجدي ګډون درلود.
همدارنګه، یاد تخنیکي ټیم د عامه پوهاوي پروګرام په چوکاټ کې د نوموړي ریاست کارکوونکو ته د انرژي سپما او موثریت، د انرژي سپما مناسبې لارې چارې، د انرژي مدیریت، د انرژي سرچینو ساتنه، د چاپېریال ساتنه او د انرژي سپما پالیسۍ اړوند لازم معلومات وړاندې کړل.
د یادونې وړ ده، چې د انرژي سپما د عامه پوهاوي برنامې د اقتصادي کمیسیون د 20/9/1445 نېټې د 13 ګڼې مصوبې دوهم بند د تحقق په موخه له پلان سره سم د اوبو او انرژي وزارت له خوا مخکې له دې په څو وزارتونو او ادارو کې ترسره شوې او په راتلونکي کې به هم دوام ومومي.
