بغلان ولایت کې د لختوغي سربند او کانال جوړونې د پروژې چارې پيل شوې
د بغلان ولایت په دوشي ولسوالي کې د لختوغي سربند او کانال جوړونې د پروژې چارې د بغلان سیندیزې فرعي حوزې د رئيس محترم ملا محمد انس عمر، د دوشي ولسوال محترم نورالدین فاتح او یو شمېر نورو مسؤلینو او قومي مشرانو په شتون کې پيل شوې.
د نوموړې حوزې رئيس د دغې پروژې د چارو د پرانيستې پر وخت د قراردادي شرکت له مسؤلینو څخه وغوښتل چې چارې یې په ښه کیفیت او ټاکلي وخت سره پای ته ورسوي.
د نوموړې پروژې چارې د ایف، اې، او سازمان په مالي لګښت د بغلان د سیندیزې فرعي حوزې تر څارنې لاندې پرمخ وړل کېږي چې پکې سلګونو کسانو ته د کار زمینه چمتو شوې او د چارو په بشپړېدو سره به ۴۷۰ هکتاره ځمکه خړوبه شي.
