د اف اې او سازمان مسؤلینو په زابل ولایت کې د نوي چکډمونو، استنادي دیوالونو او کانالونو د جوړولو ژمنه وکړه

د ترنک قلات سیندیزې فرعي حوزې رئیس محترم مولوي عبدالکریم ذوالفقار  د اف اې او سازمان د سهیلي زون له مسؤلینو سره وکتل او په ۲۰۲۴ زیږدیز کال کې یې په  زابل ولایت کې د نوي چکډمونو، استنادي دیوالونو او کانالونو د جوړولو په هکله بحث او د اندونو تبادله وکړه.

په دغه لیدنه کې، د نوموړي سازمان مسؤلینو په  نوي زیږدیز کال کې  د زابل ولایت په لرې پرتو سیمو کې د نوي چکډمونو، استنادي دیوالونو او کانالونو د جوړولو ژمنه وکړه.

په ورته مهال، ښاغلي ذوالفقار هم د نوموړي ولایت په لرې پرتو سیمو کې د پراختیایي پروژو په پلي کولو باندې ټینګار وکړ او د هر راز همکاري ژمنه یې وکړه.

د یادونې وړ ده، چې په زابل ولایت کې د اف اې او سازمان له خوا د درې سوه او درې څلوېښت زره (۳۴۳۰۰۰)آمریکايي ډالرو په ارزښت د څو پروژو کار دوام لري.