د اوبو او انرژي وزارت سرپرست وزیر د پکتیا ولایت د زرمت ولسوالي له مشرانو سره وکتل

د اوبو او انرژي وزارت سرپرست وزیر ښاغلي ملا عبداللطیف منصور د پکتیا ولایت د زرمت ولسوالي له مشرانو سره وکتل او په هغه ولسوالي کې یې د اوبو او انرژي پروژو د پلي کولو په هکله خبرې اترې وکړې.

په دې لیدنه کې ، د زرمت ولسوالي مشرانو خپلې ستونزې او وړاندیزونه د اوبو او انرژي وزارت له رهبري سره شریک کړل او په یادې ولسوالي کې یې د اوبو بندونو د جوړولو غوښتنه وکړه.

د اوبو او انرژي وزارت سرپرست وزیر په یاده لیدنه کې د زرمت ولسوالي د خلکو له یوالي او زحمتونو څخه په نیکي سره یادونه وکړه او دوی ته یې ډاډ ورکړ، چې دغه وزارت په خپل راتلونکي پلان کې په پام کې لري ، ترڅو په پکتیا ولایت کې د اوبو بندونو د جوړولو پروژې پلي کړي چې اوسمهال یې  تخنیکي څېړنې او اړینې مطالعې جریان لري.