د "محرم میاشت او اسلامي امت" تر سرلیک لاندې د دعوت او ارشاد ریاست اصلاحي بیانیه وړاندې شوه
د اوبو او انرژي وزارت د دعوت او ارشاد رئيس محترم مفتي ګل رحمن عارف د دغه وزارت د غونډو په عمومي تالار کې په یوه اصلاحي بیانیه کې د محرم د میاشتې د فضیلتونو او د درناوي د سمې طریقې په هکله خبرې وکړې.
د اوبو او انرژي وزارت دعوت او ارشاد رئيس په دغه بیانیه کې د محرم میاشتې او د دغې میاشتې د لسمې ورځې د فضیلتونو په هکله د تاریخي واقعیتونو او د روایاتو او احادیثو شریفو په استناد سره اشاره وکړه او ټینګار یې وکړ، چې پر اسلامي امت لازمه ده، چې په دې هکله په سمه توګه پوهاوی ترلاسه کړي او دغه ورځ دې د اسلامي شریعت سره سم ولمانځي.
هغه له ټولو کارمندانو څخه وغوښتل چې د نبوي سیرت او صورت سره دې عمل وکړي او د خپلو اعمالو په ترسره کولو کې دې یوازې د خدای(ج) رضا په پام کې ونیسي؛ ترڅو په دنیا او آخرت کې نېکمرغه شي.
