د پنج آمو عمومي حوزوي رئيس پر زهبر باندې د شخړې هوارولو په موخه د کندز ولایت قلعه ذال ولسوالی ته سفر وکړ
د پنج آمو عمومي حوزوي رئيس محترم مولوي عبدالحکیم حاجي حکمت د کندز د والي په لارښوونه د کندز ولایت د یو شمېر مسؤلینو او تخنیکي ټیم په ملتیا د کندز ولایت قلعه ذال ولسوالي ته پر زهبر باندې د شوپز کلي د خلکو ترمنځ د شخړې هوارولو په موخه سفر وکړ.
نوموړو مسؤلینو د سیمې تخنیکي سروې ترسره کړه، ترڅو خپلې پلټنې، د سروې پایله او د سترګولیدلی حال د کندز ولایت مقام ته په لیکلي بڼه وړاندې کړي او د نوموړي کلي له اوسیدونکو څخه وغوښتل چې خپل با صلاحیته استازي کمېسیون ته ور وپېژني تر څو د ولایت مقام له تائید وروسته، پریکړه ورته اعلان شي .
