په خوست ولایت کې د یو کانال د جوړولو چارې د یو سلو پنځه اویا زره ډالرو (175000) په ارزښت ګټې اخیستنې ته وسپارل شوې
د خوست ولایت د علیشیرو ولسوالي په خادمي سیمه کې د یو کانال چارې د 1375 مترو په اوږدوالي سره د یو سلو پنځه اویا زره ډالرو (175000) په ارزښت، د شمل خرم سیندیزې فرعي حوزې رئیس، د علیشیرو ولسوالي ولسوال، د اړیکو دفتر انجنیرانو او قومي مشرانو په شتون کې ګټې اخیستنې ته وسپارل شوې.
د یادې پروژې چارې د شمل خرم سیندیزې فرعي حوزې په تخنیکي همکاري او د سویس هېواد د مرستو پرمختیایې ادارې په مالي ملاتړ د اړیکو دفتر له لوري د څلورو میاشتو په موده کې بشپړي شوې.
د یادولو وړ ده، چې یاد کانال د 1320 جریبه کرنیزې ځمکې د خړوبولو وړتیا لري او 3840 کسه به ترې برخمن شې.
