د ارغنداب سیندیزې فرعي حوزې رئيس د کندهار ولایت د اوو ولسوالیو له قومي مشرانو سره وکتل
د ارغنداب سیندیزې فرعي حوزې رئيس محترم ملا سید محمد شرافت د کندهار ولایت د اوو ولسوالیو له قومي مشرانو او میرابانو سره وکتل او د دهلې بند د اوبو د ښه تنظیم، عادلانه وېش ، ورڅخه د اغېزمنې ګټې اخیستنې او په یادو ولسوالیو کې د کرنیزو ځمکو د خړوبولو په موخه د دهلې بند د اوبو د خوشي کولو په هکله بحث او د اندونو تبادله وکړه.
همدارنګه یادو مشرانو او میرابانو یادو ولسوالیو ته د دهلې بند د اوبو د نه رسېدو اړوند خپلې ستونزې له ښاغلي شرافت سره شریکې کړې.
ښاغلي شرافت په دې ناسته کې یادو مشرانو او میرابانو ته د دهلې بند د اوبو د عادلانه وېش په هکله ډاډ ورکړ او د یاد بند د اوبو د خوشي کولو په هکله اړینې پریکړې او تصمیمونه ونیول شول.
