د اسلام د سپیڅلي دین له نظره د جایزې راکړې ورکړې په هکله د دعوت او ارشاد روزنیز او اصلاحي سمینار ترسره شو
دغه سمینار د اوبو او انرژي وزارت د دعوت او ارشاد رئيس محترم مولوي ګل رحمن عارف او د دغه وزارت د ګڼ شمېر کارمندانو په ګډون ترسره شو.
ښاغلي مولوي عارف په دغه سمینار کې د اسلام د سپیڅلي دین په چوکاټ کې د جایزې راکړې ورکړې په هکله خبرې وکړې او د بیعې د ډولونو، د پېر او پلور د شرایطو او دې موضوع پورې ټولو اړوندو مطالبو په هکله بشپړ معلومات وړاندې کړل.
د دعوت او ارشاد رئيس، ټول کارمندان د اسلام سپیڅلي دین د احکامو رعایتولو ته وهڅول او له هغوی څخه یې وغوښتل چې په ټولو معاملاتو کې اسلامي احکام مراعات کړي.
