د اوبو او انرژي وزارت د اوبو معین د کابل پولي تخنیک پوهنتون له رئیس او یو شمېر مسؤلینو سره وکتل
د اوبو او انرژي وزارت د اوبو معین محترم مجیب الرحمن عمر آخندزاده د خپل کار په دفتر کې د کابل پولي تخنیک پوهنتون له رئيس محترم پوهنوال عبدالرشید اقبال او یو شمېر مسؤلینو سره وکتل.
په یاده لیدنه کې، په هېواد کې د اوبیزو سرچینو د تخنیکي مدیریت په برخه کې د وړتیا لوړونې په موخه د ګډو علمي او تخنیکي همکاریو په هکله بحث او د اندونو تبادله وشوه.
د اوبو او انرژي وزارت د اوبو معین په دې وزارت کې د زده کړیالانو د پرکتیک دورې یا عملي زده کړو لپاره د زمینې د برابرولو ډاډ ورکړ او د یاد پوهنتون په همکاري سره د دې وزارت د انجنیرانو لپاره د وړتیا لوړولو د برنامې په رامنځته کولو باندې ټینګار وکړ.
