د اوبو او انرژي وزارت د اوبو معین د کندز ولایت د آقتاش ولسوالي له یو شمېر مشرانو سره په هغې ولسوالي کې د اوبو او برېښنا د پروژو په هکله خبرې وکړې
د اوبو او انرژي وزارت د اوبو معین محترم مجیب الرحمن عمر آخندزاده د خپل کار په دفتر کې د کورنیو چارو وزارت د پېژند له عمومي رئيس محترم مولوي نجیب الله حکمت او د کندز ولایت د آقتاش ولسوالي له یو شمېر قومي مشرانو سره وکتل.
په دغه لیدنه کې، د نوموړې ولسوالي مشرانو په هغې ولسوالي کې د اوبو او برېښنا پروژو د پلي کولو په برخه کې خپل وړاندیزونه او غوښتنې د اوبو له معین سره شریکې کړې.
د اوبو محترم معین هغوی ته ډاډ ورکړ، چې په راتلونکي کې به د دغه وزارت له لوري شته امکاناتو ته په کتو سره د هغوی وړاندیزونو ته رسیدګې وشي.
