د اوبو او انرژي وزارت د رهبري ناسته ترسره شوه
یاده ناسته د اوبو او انرژي وزارت د انرژي معین ښاغلي مولوي عارف الله عارف تر مشري لاندې د دې وزارت د عمومي رئيسانو په ګډون ترسره شوه.
په دې ناسته کې د اوبو او انرژي پروژو د پلي کیدو په برخه کې د بېلابېلو اداري او تخنیکي موضوعاتو په هکله بحث او دنظر تبادله وشوه.
په پيل کې، یو شمېر عمومي رئيسانو په ناسته کې د مطرح شوې موضوعاتو راپور وړاندې کړ او د رهبري مقام څخه یې د هغوی د حل و فصل لپاره د هدایت غوښتنه وکړه.
د انرژي ښاغلي معین ټول موضوعات په مفصل ډول و څېړل او اړونده رئيسانو ته یې لازم هدایات او لارښوونې وکړې.
