د اوبو او انرژي وزارت سرپرست وزیر د افغانستان برېښنا شرکت له عمومي رئيس سره وکتل
د اوبو او انرژي وزارت سرپرست وزیر ښاغلي ملا عبداللطیف منصور نن له غرمې مخکې د خپل کار په دفتر کې د افغانستان برېښنا شرکت له عمومي رئيس ښاغلي ملا محمد حنیف حمزه سره وکتل.
په یاده لیدنه کې، د متوازنې پراختیا اصل په پام کې نیولو سره د هېواد په ټولو ولایتونو کې د برېښنا شبکو پر پراختیا باندې ټینګار وشو او د هغه خنډونو د لرې کولو په هکله چې په هېواد کې د برېښنا شبکو د پراختیا په وړاندې شتون لري بحث او د نظر تبادله وشوه .
همدارنګه په دې ناسته کې د ادارې نظم او ستونزو په هکله هم خبرې وشوې.
