د اوبو او انرژي وزارت سرپرست وزیر په پکتیا ولایت کې د یو باب دارالایتام د بنسټ ډبره کښیښوده
د اوبو او انرژي وزارت سرپرست وزیر ښاغلي ملا عبداللطیف منصور د پکتیا ولایت په زرمت ولسوالي کې د یو باب دارالایتام ډبره په داسې حال کې کښیښوده چې د ارشاد، حج او اوقافو وزارت د اسلامي او دیني مراکزو د انسجام معین ښاغلي شیخ عزیزالرحمن منصور او ورسره مل په لسګونو جهادي ډلګي مشرانو یې ملتیا کوله.
د اوبو او انرژي وزارت سرپرست وزیر د یادې ولسوالي ځوان نسل د دیني او عصري علومو زده کړو ته وهڅول او د یاد دارالایتام هغه زده کوونکي چې په تېره آزموینه کې په لومړۍ درجه بریالي شوي وو، په ډالیو په ورکول یې ونازول.
همدارنګه د ارشاد، حج او اوقافو وزارت د اسلامي او دیني مراکزو د انسجام معین ښاغلي شیخ عزیزالرحمن منصور په دې غونډه کې وویل چې په هر ولایت کې د یتیمانو لپاره د دارالایتام جوړول د ا.ا د لومړیتونو څخه ده چې د دیني علومو د زده کړې ترڅنګ، به عصري علوم هم پکې تدریس کېږي.
