د اوبو او انرژي وزارت سلاکار کنړ ولایت کې د هېواد د اوبیزو سرچینو پر غوره مدیریت باندې ټینګار وکړ.
د اوبو او انرژي وزارت سلاکار محترم ډاکټر فاروق اعظم کنړ ولایت ته د خپل سفر په ترڅ کې د کنړ د سیندیزې فرعي حوزې د رئيس محترم ملا دوست محمد حنفي او کارمندانو سره په لېدنه کې د هېواد او په ځانګړې توګه د کنړ ولایت د اوبیزو سرچینو پر غوره مدیریت باندې ټینګار وکړ او زیاته یې کړه، چې د اوبیزو سرچینو د لا ښه مدیریت په موخه باید ټول سره په ګډه هڅې وکړو.
په ورته مهال،د نوموړې حوزې له مسؤلینو سره د وزارت د سلاکار په لیدنه کې د ختیځ زون د انرژي آمریت مسؤلینو په کنړ ولایت کې د انرژي د تولید او اوبیزو سرچینو په هکله بشپړ معلومات د یوه پرزنټیشن په ترڅ کې وړاندې کړل او وروسته یې په دغه ولایت کې له یو شمېر اوبیزو سرچینو څخه لیدنه وکړه.
