د اوبو معینیت د تخنیکي موضوعاتو د څېړلو په هکله د یاد معینیت اونیزه تخنیکي ناسته ترسره شوه
یاده ناسته د اوبو او انرژي وزارت د اوبو معین محترم مجیب الرحمن عمر آخندزاده ترمشرې لاندې د اوبو سکتور د رئيسانو، سلاکارانو او تخنیکي مسؤلینو په ګډون د یاد معینیت د غونډو په تالار کې ترسره شوه.
په دې ناسته کې دبېلابېلو موضوعاتو په ځانګړې توګه په لویو ښارونو کې د ځمکې لاندې اوبو د ګټې اخیستونکو د قانوني کېدو، په کابل ښار کې د ځمکې لاندې اوبو د تغذیې لپاره د اغېزمن میکانیزم د رامنځته کولو او د یاد معینیت د ریاستونو د چارو د ښه والي او اغېزمنتیا په هکله بحث او د اندونو تبادله وشوه او د چارو د چټکتیا په موخه اړین تصمیمونه ونیول شول.
د اوبو ښاغلي معین د تخنیکي چارو د غوره ترسره کولو په موخه اړوندو مسؤلینو ته اړین هدایات ورکړل.
