د بخش آباد بند د پروژې د ستونزو د هوارولو او د کار د بیا پیلولو په موخه د همغږي ناسته ترسره شوه

mew-admin
پنجشنبه ۱۴۰۱/۴/۲ - ۱۲:۱۹
1

دا ناسته د افغانستان اسلامي امارت د اقتصادي کمېسیون د لسمې مصوبې د پریکړې د پلي کیدو په موخه د اوبو او انرژي وزارت د دفتر مقام د رئيس ښاغلي قاري محمد عبدالعزیز عزیز، د اوبو پروژو د کنټرل کیفیت رئيس، د مالیې وزارت، د افغانستان بانک، قراردادي شرکت د استازو او د فراه ولایت د یو شمېر مشرانو په ګډون جوړه شوه.

په یاده ناسته کې، د پروژې عمومي او اوسنی وضعیت راپور تر څېړنې لاندې ونیول شو او د ستونزو په هوارولو او د کار بیا پیلولو باندې بحث او د نظر تبادله وشوه.

د قراردادي شرکت استازي د ناستې په بهیر کې د پروژې د چارو د بیا پیلیدو په هکله خپل چمتووالی څرګند کړ او د ستونزو د هوارولو لپاره یې خپل وړاندیزونه وړاندې کړل.

د ناستې په دوام کې، د فراه ولایت د خلکو یو تن مشر د هغه ولایت د خلکو په استازولي د بخش آباد بند د پروژې د پلي کیدو لپاره د خلکو د اړین ضرورت په هکله خبرې وکړې او د پروژې د بیا پیلیدو غوښتنه یې وکړه.

ښاغلي قاري محمد عبدالعزیز عزیز د پروژې د وضعیت او د ګډون والو  د نظریاتو تر هر اړخیزې بررسي وروسته، د فراه ولایت مشرانو ته ډاډ ورکړ چې د افغانستان اسلامي امارت رهبري یادې پروژې ته د اړتیا په اساس لومړیتوب ورکړی او پلي کیدو ته یې هوډمن دي. هغه د ماليې وزارت او د افغانستان بانک له استازو څخه و غوښتل، چې د پروژې د انوایسونو د ورکړې په برخه کې لازمې څېړنې ترسره کړي؛ ترڅو د پروژې کار ژرتر ژره د پلي کیدونکي شرکت له خوا په ساحه کې پیل شي.

تازه خبرونه

چهارشنبه ۱۴۰۴/۴/۱۸ - ۱۳:۳۵
Background image
چهارشنبه ۱۴۰۴/۴/۱۸ - ۱۰:۳۹
Background image
چهارشنبه ۱۴۰۴/۴/۱۸ - ۹:۲۱
Background image

د آمو سیند څنډو د ټينګښت رئيس د تخار له والي سره وکتل

د آمو سیند څنډو د ټینګښت رئيس محترم ...

بیرته تګ

User account menu