د تجدید وړ انرژیو د تخنیکي کمیټې لومړۍ غونډه جوړه شوه.
د لومړي ځل لپاره د تجدید وړ انرژیو د تخنیکي کمیټې غونډه په اوبو او انرژۍ وزارت کې جوړه شوه.
په دغه غونډه کې د اوبو او انرژۍ وزارت سرپرست، د تجدید وړ انرژیو، د انرژۍ برنامو، د برښنا خدمتونو ریاستونو مشرانو او د ښار جوړولو او ځمکو وزارت استازو، د افغانستان برښنا شرکت، د کابل پوهنتون او د ځینو نورو ارګانونو استازو ګډون کړی و.
ښاغلی انجینر محمد ګل خُلمی د اوبو او انرژۍ وزارت سرپرست په افغانستان کې د تجدید وړ انرژۍ رول دیر مهمه وبله وویل چی د تجدید وړ انرژۍ سکټور په نړی کی وده کری ده او افغانستان هم هڅه کوي د دې پروسې څخه شانه و نه پریښودل شي. د دی وزارت سرپرست د تجدید وړ انرژیو د تخنیکي کمیټې د غونډې موخه؛ د انرژۍ په سکټور کی د ننګونو او حلونو په اړه نظرونو چمتو کول، د پوهاوي لوړولو او پلانونو چمتو کول، په افغانستان کې انرژۍ ته لاسرسی زیاتوالی و بلله او له اړوندو اداراتو ثخه غوښتنه وکړي چی په دی برخی کی ډیر پاملرنه وکړي.
په دوام سره، ښاغلی فرید الله شرفمل د تجدید وړ انرژۍ رییس په دی برخی کی زیاته کړه چی د دی کمیټې په راتلونکې غونډه کې، تخنیکي ننګونو، د نوي کولو وړ انرژۍ پراختیا لپاره معیارونو او لارښوونو په اره بحث به ترسره شي.
په ورته وخت کې، د نوي کيدو وړ انرژۍ سکټور انجينران د نوي کيدو وړ انرژۍ اغیزمنتیا او فعالیتونو په اړه د پرزنتیشنونو د وړاندې کولو ترڅنګ، په کابل کې د 30 کیلوواټه سولری برښنا نصبول د GIZ په مرسته، په کندهار کې د 15 میګاواټ برښنا پروژې او د بادونو، سولری ځینې پروژو څخه د دی وزارت لاسته راوړنو وبللی.
