د ترکي ۷۷ شرکت له استازي سره د همغږي ناسته ترسره شوه
یاده ناسته د اوبو او انرژي وزارت د اوبو معین ښاغلي مجیب الرحمن عمر آخندزاده تر مشري لاندې د اوبو او انرژي وزارت د یو شمېر رئيسانو او تخنیکي مسؤلینو په ګډون د ترکي ۷۷ شرکت له استازي سره ترسره شوه.
په یاده ناسته کې، د اوبو پروژو د پلي کولو په برخه کې د ګډو همکاریو او د لویو بندونو د تخنیکي مطالعاتو د ترسره کولو په ځانګړې توګه د سروبې ۲ برېښنا بند په هکله بحث او د نظر تبادله وشوه.
د ۷۷ ترکي شرکت استازي د لا زیاتو پروژو په پلي کولو کې لېوالتیا و ښوده او همدارنګه یې وویل لېواله دی چې د کندهار ولایت په ارغستان کې د لورې بند د تخنیکي مطالعاتو په ترسره کولو کې پانګونه وکړې.
