د واټر پمپونو په واسطه له اوبو څخه د ګټې اخیستنې د مخنیوي طرحې د چمتوکولو په موخه د همغږۍ ناسته ترسره شوه
دغه ناسته د اوبو او انرژي سرپرست وزیر محترم ملا عبداللطیف منصور، د لوړو زدهکړو سرپرست وزیر محترم شیخ ندامحمد ندیم، د کرنې، اوبو لګولو او مالداري سرپرست وزیر محترم مولوي عطاالله عمري، د اوبو او انرژي وزارت د اوبو معین محترم مجیب الرحمن عمر آخندزاده او د امر باالمعروف او نهي عن المنکر معین محترم شیخ فقیرالله په ګډون ترسره شوه.
دغه ناسته چې د افغانستان اسلامي امارت د کابینې د ۱۴۴۴ کال د ۲۲ ګڼې مصوبې د پلې کولو په موخه ترسره شوې وه، د ناستې غړو له سیندونو، نهرونو او اوبو لګولو کانالونو څخه د اوبو د ګټې اخیستنې د څرنګوالي په هکله چې د واټر پمپونو په واسطه د حقابې د لرلو پرته ترسره کېږي، اړین معلومات شریک کړل او د مخنیوي د اړینو حل لارو په هکله یې بحث او د اندونو تبادله وکړه.
د نوموړې موضوع تر هر اړخیزې ارزونې او د واټر پمپونو په واسطه د اوبو د ګټې اخیستنې د مخنیوي د ارزښت په هکله د معلوماتو تر شریکولو او د لاندني لاس حقابه لرونکو ته یې د زیانونو او شونو حل لارو تر وړاندیز وروسته، د طرحې د چمتوکولو او د اړتیا وړ اقداماتو د ترسره کولو په موخه اړین تصمیمونه ونیول شول.
