د پروان ولایت د بګرام او مټک کانالونو د بیارغونې د پروژو سیمې قراردادي شرکت ته وسپارل شوې
د غوربند- چاریکار سیندیزې فرعي حوزې رئيس محترم انجنیر مجیب الرحمن حبیبي د ایف، اې، او موسسې او د پروان ولایت د بګرام او مټک کانالونو د بیارغونې قراردادي شرکت له مسؤلینو سره د همغږۍ ناسته ترسره او د نوموړو پروژو سیمې یې قراردادي شرکت ته وسپارلې.
ټاکل شوې ده د نوموړو پروژو چارې ډېر ژر پیل او په پلي کېدو سره به یې ۵۵۰۰ هکتاره کرنیزه ځمکه خړوبه شي.
