د پروان ولایت په عمومي کانالونو کې د میرآب سیسټم رسمي کول پیل شو
په دغه پرانیست غونډه کې چې د غوربند چاریکار سیندیزې فرعي حوزې په ریاست کې د اوبو د ګټه اخیستونکو او مسؤولینو لسګونو تنو ګډون کړی وو، په لومړي سر کې د غوربند چاریکار سیندیزې فرعي حوزې رئیس بزګرانو ته د میرآب پروسې موخه تشرېح کړه او له هغوی څخه یې د یادې برنامې په پلي کولو کې د مرستې غوښتنه وکړه او د خواجه کانال د میرآب سیسټم کلیدي غړي په شفافه توګه انتخاب شول.
د یادولو وړ ده چې میرآب سیسټم یو نوی معیاري سیسټم دی چې د اوبو په تنظیم او مدیریت کې اساسي رول لري، چې د میرآب باشي، میرآب، چک باشي، منشي، خزانه دار او عمومي غړو د ځانګړي تشکیل درلودونکی دی.
