د پنج آمو سیندیزې حوزې په ریاست کې د برېښنا ولایتي کمېټې د جوړولو په موخه غونډه جوړه شوه
د پنج آمو سیندیزې عمومي حوزې ریاست په دفتر کې د برېښنا ولایتي کمیټې د جوړولو په پار غونډه د اقتصاد، برېښنا، دکلیو پراختیا، ښار جوړولو، کرنې او ښاروالي ریاستونو د مسؤلینو په ګډون جوړه شوه او د پنج آمو سیندیزې عمومي حوزې رئیس په دې غونډې کې د برېښنا ولایتي کمیټې د رئیس په توګه وټاکل شو.
په پیل کې، د پنج آموسیندیزې عمومي حوزې رئیس ښاغلي انجنیر رفیع الله مجتبی د غونډې ګډونوالو ته د ښه راغلاست ترڅنګ وویل چي دا ناسته د اوبو او انرژي وزارت د رهبري د سپارښتنې سره سم د برېښنا ولایتي کمیټې د جوړولو په موخه جوړه شوې ده، ترڅو وکولای شو د اړونده ادارو په همغږي سره د برېښنا د تولید بېلابېلو سرچینو څخه اعظمي ګټه پورته او د کندز ولایت بېلابېلو سیمو ته برېښنا ورسوو.
ورپسي د برېښنا د تنظیم آمر ښاغلي محمد عیسی رسولي د موضوع په هکله چمتو کړی پریزنتیشن وړاندې کړ چې په یاد پریزینتشن کې د برېښنا ولایتي کمیټې د جوړولو او د تشکیل په هکله د اوبو او انرژي وزارت د قانون سره سم ګډونوالو ته هړخیز معلومات وړاندې کړل.
