د پکتیا سیندیزې فرعي حوزې کارمندانو ته د وړتیا لوړونې یو ورځنی سمینار ترسره شو
په یاد یو ورځني سمینار کې د یاد ریاست کارمندانو ته د پلان، پلان ډولونو، پلان جوړونې، د دندو لایحې، کاري راپور او د ملکي خدمتونو د مامورینو د اجرآتو ارزونې د کړنلارې په هکله د یاد ریاست د مالي او اداري لوی مدیر محترم هدایت الله هدایت له خوا بشپړ معلومات وړاندې شول.
په ورته مهال، د پکتیا سیندیزې فرعي حوزې رئيس محترم مولوي محمد کریم فاتح د خپل کار په دفتر کې د سولې رېښې موسسې له ولایتي مسؤل محترم انجنیر عبدالرحمن رحمتي او مل پلاوي سره وکتل.
په یاده لیدنه کې ښاغلي رحمتي د خپلو پروګرامونو په هکله معلومات وړاندې کړل او د پلې کولو په موخه یې د سیندیزې حوزې د ریاست د همکاري غوښتونکی شو.
همدغه راز، په دې ناسته کې ښاغلي فاتح د اوبو په برخه کې د پراختیایي پروګرامونو په پلي کولو کې د هر راز همکاري ژمنه وکړه.
