به منظور بلند بردن ظرفیت کارمندان ریاست حوزه فرعی دریایی پکتیا سمینار یک روزه تدویر یافت

در این سمینار یک روزه به کارمندان ریاست از سوی محترم هدایت‌الله هدایت، مدیر عمومی مالی و اداری ریاست  متذکره پیرامون پلان ، انواع پلان، تهیه پلان، لایحه وظایف، گزارش کاری و طرزالعمل ارزیابی اجراآت کارمندان خدمات ملکی معلومات همه جانبه ارائه گردید.

از سویی هم، محترم مولوی محمد کریم فاتح، رئیس حوزه فرعی دریایی پکتیا در دفتر کار خویش با محترم انجنیر عبدالرحمن رحمتی، مسئول ولایتی موسسه ریشه صلح و همراهانش دیدار کرد.

در این دیدار، آقای رحمتی پیرامون برنامه‌های خویش معلومات همه جانبه ارائه نمود و به منظور تطبیق آن خواستار همکاری حوزه فرعی دریایی گردید.

در همین حال، در این دیدار، آقای فاتح در مورد تطبیق برنامه‌های انکشافی در بخش آب وعده هر نوع همکاری داد.