د پکتیکا ولایت په بکخېل ولسوالۍ کې د ترکۍ شنګ چکډم چارې 95 سلنه پرمخ تللې دي
د پکتیکا ولایت د اوبو او انرژي ریاست په بکخېل ولسوالۍ کې د ترکۍ شنګ چکډم د چارو له بهیر څخه څارنه وکړه.
د نوموړي چکډم رغنیزې چارې د اوبو او انرژي وزارت له لوري د څه باندې 1.2 میلیونه افغانیو په لګښت د یوه کورني ودانیز شرکت لخوا د پکتیکا ولایت د اوبو او انرژي ریاست تر څارنې لاندې ترسره کېږي، چارې یې 95 سلنه پرمخ تللې دي او په نږدې راتلونکي کې به ګټې اخیستني ته وسپارل شي.
