د کابل ښار د اوبو سرچینو او ستونزو په اړه علمي سیمینار ترسره شو.
د کابل ښار د اوبو سرچینو د علمي مطالعې تر عنوان لاندې علمي سیمینار او پدې ښار کې د اوبو کموالي آسیب شناسی، نن ( د وږې ۱۶) د اوبو او انرژۍ وزارت د اوبو مرستیال ښاغلی انجنیر خان محمد تکل، د دی وزارت یو شمیر انجینرانو او رئیسانو، د پوهنتون استادانو او د کلیو د بیارغونې او پراختیا وزارت استازو په حضور سره د اوبو او انرژی وزارت د اوبو معینیت په تالار کې جوړه شوه.
په دی سیمینار کې د اوبو کمښت ستونزو، د سطحې اوبو سرچینو پیژندلو، کابل ښار ته د کابل ولایت نږدي سیندو څخه د اوبو رسولو پلان او د کاریزونو بیارغونې باندې خبرو اترو ترسره شوه.
د اوبو او انرژۍ وزارت د اوبو مرستیال ښاغلی انجنیر خان محمد تکل د کابل ښار د اوبو مسلې ته په اشارې وویل" د کابل اوبو اهمیت د ټولو خلکو حياتي ارزښت سره برابر دی چې په کابل کې ژوند کوي"
همدارنګه د اوبو مرستیال کابل ته د قرغه، لوګر او د پنجشیر اکوفیرنونو څخه د اوبو رسولو په اړه د وزارت تحقیقاتي او څیړنیز فعالیتونو څخه یادونه او زیاته کړه" د کابل ښار د اوبو تامینول د اوبو او انرژۍ وزارت ترټولو مهم او اساسي مسؤلیت دی او موږ ژمنه کوو چې په هر لګښت د دې سرچینو څخه کابل ته اوبو راوړو "
ښاغلي تکل په افغانستان کې د کاریزونو بیارغونې په اړه وویل: "موږ د کاریزونو پیاوړتیا لپاره د چک بندونو جوړولو پلان لرو چې د سیلابونو او د اوبو زیرمو په کنټرول کې خورا اهمیت لري."
ډاکټر عبدالحنان روستایی په دی سیمینار کې د کابل د اوبو مسلې په اړه خپلې څیړنې بیان کړ او د صنعت پرمختګ او د ژورو څاګانو کیندلی په کابل کې د اوبو د کمیدو لاملونه په ګوته کره.
ښاغلی روستایی د کابل شاوخوا سیندو څخه کابل ښار ته د اوبو راوړلو د حل لارې په توګه وړاندیز وکړ"موږ په افغانستان کې د اوبو کمښت نه لرو خو سم مدیریت ته اړتیا لرو".
هغه په افغانستان کې د کاریزونو په بیارغونې ټینګار وکړ او یادونه وکړه چې کاریزونو له ژورو څاګانو څخه ډیرې ګټې لري.
دا په داسي حال کی دی چی په کابل ولایت کې د اوبو کمښت د ستونزو حلولو لپاره، د اوبو او انرژۍ وزارت د اړوندو ریاستونو په همغږۍ عملی پلانونو او برنامو لري.
