د کندهار ولایت په اوو ولسوالیو کې د ځمکې لاندې اوبو د سطحي د څارنې په موخه څېړنېزې څاګانې کېندل کېږي
د ارغنداب سیندیزې فرعي حوزې رئيس محترم ملا سید محمد شرافت او د دغه ریاست تخنیکي ټیم د یونسیف موسسې له استازي سره وکتل او په کندهار ولایت کې یې د څېړنیزو څاګانو د کېندلو په هکله بحث او د اندونو تبادله وکړه.
ټاکل شوې ده، چې د کندهار ولایت په سپین بولدک، ارغستان، دامان، پنجوایي، ارغنداب، میوند او ډنډ ولسوالیو کې د یونسیف موسسې په مالي ملاتړ د ارغنداب سیندیزې فرعي حوزې تر څارنې لاندې د ځمکې لاندې اوبو د سطحي د څارنې په موخه څېړنېزې څاګانې وکېندل شي.
