ننګرهار ولایت کې د دوو سربندونو دجوړولو او دوو کانالونو د پاکاري چارې د څه باندې یو میلیون او اووه سوه زره افغانیو په ارزښت پيل شوې
د ننګرهار ولایت په روداتو او سپین غر ولسوالیو کې د دوو سربندونو د جوړولو او دوو کانالونو د پاکاري چارې د یو میلیون، اووه سوه پنځه دېرش زره او پنځه سوه افغانیو( ۱۷۳۵۵۰۰) په ارزښت د ننګرهار سیندیزې حوزې رئيس ښاغلي سید فضل احد هاشمي، د یادو ولسوالیو د ولسوالانو او یو شمېر نورو سیمه اییزو مسؤلینو په شتون کې پيل شوې.
د یادو پروژو په پرانیست غونډه کې د ننګرهار سیندیزې حوزې رئيس د پروژو د ارزښت په هکله خبرې وکړي او مسؤلینو ته یې د پروژو د غوره پرمخ وړلو په پار لازم هدایات ورکړل.
د یادو پروژو چارې چې د اوبو سکتور د بشري مرستو په مالي ملاتړ او د ننګرهار سیندیزې حوزې په تخنیکي همکاري پرمخ وړل کېږي، دوه زره کسانو ته د کار زمینه برابره شوې ده.
