پکتیا ولایت ته د اوبو او انرژي د سرپرست وزیر سفر نن هم دوام درلود.
د اوبو او انرژي سرپرست وزیر محترم الحاج ملا عبداللطیف منصور نن هم د پکتیا ولایت ته د خپل روان سفر په لړ کې د زرمت ولسوالي مربوط په ډبیانو کلي کې د دارالعلوم الاسلامیه الحنفیه کې د قرانکریم د حفاظ کرامو په فراغت غونډه کې ګډون وکړ.
نوموړي د یادې مدرسې له مهتمم مولوي صاحب محمد سلیم قدرت سره د یادې مدرسې په تدریسي او اداري چارو خبرې ،اترې او د اندونو تبادله وکړه.
محترم وزیر صاحب د خپلې وینا په بهیر کې د قرأن کریم د زده کړې او حفظ د فضیلت او د اسلام په تېره بیا د افغانستان په تاریخ کې د دیني علماوو د خدمت او نقش په هکله خبرې وکړې او د مدرسې استاذانو ته یې د دوی درانۀ مسئولیت د ځانګړتیاوو په هکله سپارښتنې او لارښوونې وکړې.
دغه راز محترم وزیر صاحب د پکتیا ولایت په زرمت ولسوالي کې د خاتم الانبیأ په دارالایتام کې تر کار لاندې الفتح جومات چې د ځایي خلکو په همکاري جوړیږي، د ودانیزو چارو له بهیر څخه لیدنه وکړه او د کار په څرنګوالي باندې یې اطمنان څرګند کړ.
