کنړ ولایت کې د دوو چکډمونو د بیارغونې چارو له بهیر څخه څارنه ترسره شوه
د کنړ سیندیزې فرعي حوزې مسؤلینو د کنړ ولایت په وټه پور او اسمار ولسوالیو کې د قمچې ناوو او ډمبرو چکډمونو د بیارغونې چارو له بهیر څخه څارنه وکړه او اړوندو مسؤلینو ته د چارو د غوره پرمخ وړلو په موخه اړینې لارښوونې وکړې.
د نوموړو چکډمونو د بیارغونې چارې د اوبو او انرژي وزارت په مالي لګښت د کنړ سیندیزې فرعي حوزې تر څارنې لاندې پرمخ وړل کېږي.
همدارنګه د نوموړې حوزې مسؤلینو د سرکاڼو ولسوالي اړوند د باروګۍ چکډم سیمه د بیارغونې په موخه قراردادي شرکت ته وسپارله.
