د اوبو او انرژي په وزارت کې د لوی اختر د مبارکي غونډه جوړه شوه.
د اوبو او انرژي سرپرست وزیر محترم ملا عبداللطیف منصور د یوې غونډې پهْ ترڅ کې د دې وزارت رئیسانو او کارمندانو ته د نیکمرغه لوی اختر په مناسبت مبارکي وړاندې کړه.
د لوی خدای (ج) له دربار څخه يې د ټولو مسلمانانو د عباداتو د قبولیت غوښتنه او دعا وکړه. د اوبو او انرژي سرپرست وزیر صاحب دغه اختر د مسلمانانو ترمنځ د یووالي او محبت اختر وبالهْ، زیاته يْې کړه چې: د لوی خدای (ج) شکر کوو چې سږ کال مو هیوادوالو د بشپړ امنیت او سولې په فضاْ کې د اخترد ورځو خوشحالي ونمانځله.
دغه راز محترم وزیر صاحب د هیواد د مسئولینو او د دفاعي او امنیتي ځواکونو د هغو ستړیا وو او خدمتونو څخه مننه او پهْ درناوي سره یادونه وکړه چې شپه او ورځ يې د هیواد او هیوادوالو لپاره ترسره کوي، او هغوته يې د لا زیات توفیق غوښتنه وکړه ، د اوبو او انرژي سرپرست وزیر د یادې ناستې به بهیر کې په هیواد کې د اوبو د مدیریت او انرژي د انکشاف په اړه هم خبرې وکړې، د وزارت د مسئولینو او کارمندانو هلوځلو ته په درناوي يې په ټینګار سره وویل چې د پرله پسې وچ کالي ، موسمي بدلون او د انرژي انکشاف ته د هیواد د زیاتې اړتیا له کبله اړینه ده چې د په دغو سکتورونو کې کارکونکي خپلې هڅې تر پخوا زیاتې کړي.
دا ناسته د ګران هیواد د آبادي او سوکالي په دعاْ سره پای ته ورسیده.
