رئیس IT وزارت آب و انرژی معرفی گردید
محترم انجنیر حبیب الرحمن"جلالزی" امروز طی مراسم رسمی به حیث رئیس تکنالوژی معلوماتی وزارت آب و انرژی به کارمندان ریاست متذکره معرفی شد.
این مراسم با حضور محترم قاری محمد عبدالعزیز"عزیز"، رئیس دفتر مقام وزارت، محترم حاجی محمدالدین"نیازی"، رئیس عمومی مالی و اداری، محترم اسدالله"کاکر"، رئیس منابع بشری، محترم غلام جیلانی"حق پرست"، رئیس مطبوعات ونشرات و شماری دیگر از کارمندان وزارت نیز اشتراک داشتند؛ محترم انجنیر حبیب الرحمن"جلالزی"، به حیث رئیس تکنالوژی معلوماتی به کارمندان این ریاست معرفی گردید.
در این محفل، محترم قاری عبدالعزیز"عزیز"، رئیس دفتر مقام وزارت و محترم حاجی محمدالدین"نیازی"، رئیس عمومی مالی و اداری این وزارت صحبت نموده برای رئیس جدیدالتقرر و کارمندان این وزارت از بارگاه خداوند(ج) توفیق انجام خدمت خوب نمودند.
قابل یادآوری است که محترم انجنیر حبیب الرحمن"جلالزی" تحصیلات خویش را تا سطح لیسانس در بخش تجارت در کشور مصر و ماستری خویش را در بخش تکنالوژی معلوماتی در کشور پاکستان به پایان رسانیده است و همچنان در دوره حاکمیت حکومت گذشته، 7 سال در زندان بگرام قید اسارت را پشت سر گذشتانده است.
