سرپرست وزارت آب و انرژی در مراسم فراغت علما مدرسه مظهرالعلوم نیازی ولایت خوست اشتراک نمود

محترم الحاج ملا عبداللطیف منصور، سرپرست وزارت آب و انرژی در مراسم فراغت علمای مدرسه مظهرالعلوم نیازی ولایت خوست در حالی که محترم الحاج ملا عبدالغنی برادر، معاون اقتصادی ریاست الوزرا، محترم مولوی حبیب الله آغا، سرپرست وزارت معارف، محترم مولوی محمد نبی عمری، معین وزارت داخله، محترم شیخ صاحب شهاب الدین دلاور، رئيس عمومی سره میاشت و شماری دیگر از مسئولین حضور داشتند، پیرامون اهمیت علوم دینی و مسئولیت علما صحبت نمود.

سرپرست وزارت آب و انرژی در مراسم فراغت علمای مدرسه مذکور از علما کرام خواست که مسئولیت‌های شان را به وجه احسن انجام داده و در تحکیم نظام اسلامی و تطبیق احکام شریعت با امارت اسلامی همکاری نمایند.

همچنان، سرپرست وزارت آب و انرژی در این مراسم از استادان مدارس دینی خواست که علما را با روحیه فکری، اسلامی و کشوری تربیه نمایند، تا مصدر خدمت به کشور و هموطنان گردند.