په پکتیکا ولایت کې د څه باندې ۱۷۰ زره ډالرو په ارزښت د ۱۵ کانالونو، استنادي دیوالونو او چکډمونو د جوړولو چارې پيل شوې
د پکتیکا ولایت په زیړوک ولسوالي کې د ۱۵ کانالونو، استنادي دیوالونو او چکډمونو د جوړولو چارې د یو سلو یو اویا زره (۱۷۱۰۰۰) ډالرو په ارزښت د ګوملې سیندیزې فرعي حوزې د تخنیکي سلاکار، د یادې ولسوالي د یو شمېر سیمه ییزو مسؤلینو او مشرانو په شتون کې پیل شوې.
د ګوملې سیندیزې فرعي حوزې تخنیکي سلاکار محترم انجنیر عیسی محمد مسلم د نوموړو پروژو په پرانیست غونډه کې د یادو پروژو په هکله بشپړ معلومات وړاندې کړل.
د یادې پروژو چارې چې د ګوملې سیندیزې فرعي حوزې تر څارنې لاندې د نارویژن کمېټې په مالي ملاتړ پرمخ وړل کېږي، پکې سلګونو کسانو ته د کار زمینه چمتو شوې ده.
