د یونسیف محترمې موسسې د پرله پسې همکاریو په دوام
د یونسیف محترمې موسسې د پرله پسې همکاریو په دوام، 100 پایې د ځمکې لاندې اوبو د ارقامو اخیستلو سیستمونه او اوه قلمه د اوبو د تست کیمیاوي توکي چمتو او ددغه وزارت د اوبو سرچینو عمومي ریاست ته وسپارل شول.
د اوبو او انرژي وزارت د اوبو سرچینو انجنیران او متخصصین به د نوموړو وسایلو څخه په استفادې سره وکولای شي، چې په سیندیزو حوزو کې د ځمکې لاندې اوبو سرچینو وضعیت په دوامداره توګه وڅاري.
نوموړي سیستمونه په اتوماتیک او دوامداره توګه د ځمکې لاندې اوبو نوسانات ثبتوي او د اوبو سرچینو څانګې ته دا وړتیا ورکوي، چې په آنلاین توګه یې ارقامو ته لاسرسی ولري.
همدارنګه، د وزارت په څیړنیزو لابراتوارونو کې به د نوموړو کیمیاوي توکو څخه د اوبو د کیفیت د آزمویلو لپاره ګټه واخیستل شي، ترڅو د اوبو کیفي وضعیت وارزول شي.
